Байгууллагын гоо зүйн соёл нь байгууллагын үнэ цэнэ, зах зээлд эзлэх байр суурь, бусдаас ялгарах онцлогийг тодруулан гаргаж өгөхөөс гадна ажилчдыг илүү итгэлтэйгээр чанартай үйлчилгээ үзүүлэх замаар борлуулалтыг өсгөх хөшүүрэг болдог.
Тиймээс өөрсдийн бусдаас ялгарах дүр төрхийг тодорхойлж буй байгууллага, гоо сайхан, нүүр будалтын брэндүүдийн худалдааны зөвлөхүүдэд бид бүхэн гоо зүйн сургалтын үйлчилгээг олон улсын стандартын дагуу үзүүлэх болно.
Гоо зүйн стандарт нь байгууллагын өнгө аяс, брэндингийг ажилтныхаа гадаад гоо сайхнаар илэрхийлэн харуулах ойлголт юм.
AI технологид суурилсан тусгай программ дээр өнгөний кодчиллыг тухайн байгууллагын брэндийн өнгө, дүрэмт хувцсанд тохируулан загвар будалт гаргаж өгөх боломжтой.
Ажил хэрэгч нүүр будалтын онолын хичээлээр нүүр будалтын хамгийн чухал хэсэг болох арьс арчилгаа, суурь будалт, нүүр будалтын үндсэн ойлголтыг танилцуулах ба өдөр тутмын нүүр будалтыг хэрхэн хийх талаар суралцагч нараас нэг хүн дээр загвар будалт хийн заах болно.
Дадлагад суурилсан хичээлийн явцад нэг сурагч дээр өдөр тутмын нүүр будалт хийж харуулсны дараа суралцагч бүр өөр дээрээ будалт хийн багшаас заавар, зөвлөгөө авахаас гадна өөртөө тохирсон нүүр будалтын ур чадварт суралцах боломжтой юм.
Ажил хэрэгч дүр төрхөө бүтээхэд шаардлагатай нүүр будалтын суурь ойлголтыг авч, өөрсдөө туршин дадлага хийх боломжтой хамгийн үр дүнтэй сургалт юм. Энэхүү багц сургалт нь Мастер класс хичээл болон дадлага хичээл хосолж явагдана.
Байгууллагын гоо зүйн стандартын онцлог, өнгө аясыг илэрхийлэн гаргах хөтөлбөрийн дагуу үзүүлэн хичээл болон дадлага хосолсон сургалт юм. Энэхүү сургалт нь гоо зүйн стандартыг тухайн байгууллагын онцлог, дүрэмт хувцасанд тохируулан кодчилж гаргах тусгай багц сургалт юм.
Байгууллагын дүрэмт хувцаст тохирсон нүүр будалтын загварыг Digital Platform-оор боловсруулж Makeup guide template гаргаж өгөх
Арьс арчилгаа, суурь будалт, гэрэл сүүдэр, бүтээгдэхүүний талаар ойлголт авах ба урьдчилан гаргасан нүүр будалтын template-н дагуу загвар будалт хийж үзүүлэх
Гоо сайхан, нүүр будалтын брэнд бүтээгдэхүүн борлуулдаг байгууллагын худалдааны зөвлөхүүдэд зориулсан сургалтын хүрээнд хэрэглэгчдийн арьсанд тохирсон бүтээгдэхүүн зөвлөх, тухайн бүтээгдэхүүний хэрэглээг зөв чиглүүлэн, борлуулалтаа нэмэгдүүлэхэд суралцах боломжтой.
